الجلاء يرفع العلم السوري فوق شوارع دبي
اليوم كانت مبارة الجلاء السوري مع الرياضي اللبناني في نصف نهائي بطولة دبي الدولية لكرة السلة، صرلي عم حضر لهالقاء يومين، اشتريت كنزة عليها علم سوريا وجهزت العلم السوري الكبير اللي معلقو بالبيت ، وخبرت استاذي بالجامعة اني اليوم بدي اطلع بكير مشان المباراة
المباراة كانت الساعة 19 بالتوقيت المحلي، كالعادة أصدقائي نامو الظهر وفاقو متأخرين وتأخرنا عن المبارة 20 دقيقة، موقف النادي الأهلي (مكان المباراة) كان كتير زحمة، ولقينا موقف بطلوع الروح، ولما وصلنا عالبوابة كان الناس برا متل يوم الحشر، والشرطة ما خلونا نفوت لأنو الصالة انترست، رجعنا بخيبتنا عالسيارة وقررنا نتغدا لبين ما تخلص المباراة منرجع عالصالة لنشوف شو صار مع فريقنا
هي المباراة كانت فاصلة، فالرياضي هو حامل اللقب لآخر دورتين، كما انو كان لازم نرد اعتبارنا بعد خسارتنا معو بمباراة الافتتاح؛ المهم انو رجعنا للنادي بعد ساعة ولقينا جمهور سوري طويل عريض قدام الصالة عم يحتفل ويدبك ويزلغط، أول مرة بحياتي بشوف هيك جمهور بدبي، وهيك كثافة لعلمنا، عن جد شي بيرفع الراس، فجأة واحد كان جايب علم ضخم، عن جد ضخم، يعني شغلة 40* 8 م، رفعنا العلم فوق الشارع قدام النادي، وصارت السيارات الرايحة والجاية تمر من تحت جنحو، عرب وأجانب وسوريين، ويمكن لبنانيين كمان، فعلا كان موقف رائع لحتى اجت الشرطة وفرقتنا، وسلخت سياراتنا مخالفات بحجة عرقلة السير، بس ولو ، فدى الوطن الحبيب
تصوير: أبو النور
razan said,
January 12, 2007 at 1:32 pm
خيله
عن جد فرفحتلي قلبي
فزنا على اللبنانيه يــــــــــــــــــــــــس
لك يسلمو على البوست وعالصورة
ASH said,
January 12, 2007 at 10:25 pm
وللله شي خيالي عن جد شي كتير بيفرح وبيرفع الراس
مبررررررررررررررررررررروك لسوريا
ANATHEMA said,
January 13, 2007 at 12:05 am
بعض الهتافات أثناء وخارج المباراة:
قالو عنا مدرسة، قالو عنا كلية …. بدك تتعلم سلة؟ بوس ايد السورية
لالي لالي لالي ياعلمنا لالي بالعالي غالي غالي غالي نسرك يا وطنا يا غالي تحت جناحو انا بتفيا انا سوري اه يا نيالي
أها هية هية… طقينا اللبنانية
بوسو الواوا
قاعدين ليه؟ … ما تقومو تروحو
بالطول بالعرض … سورية تهز الأرض
……….
اليوم كانت المباراة النهاية مع ايران، ويا فرحة ما كملت، خسرنا
النهفة انو اللبنانيين تبع “الحئيئة” قاعدين مع الايرانيين عم يشجعو “ضد” سوريا؟!! بس الروح الرياضية كانت عالية بين الجماهير السورية والايرانية فصرنا نشجع ايران وقت التتويج، والايرانيين صاروا يقولو -بالعربي- : واحد واحد واحد … سوريا وايران واحد، وبالنتيجة انب***ت جماعة “الحئيئة” وانقلعو
razan said,
January 13, 2007 at 4:30 pm
لك الايرانيه يفوزو على عيني وراسي, نحنا وياهن “الاشقاء” مو نحنا ولبنانيه 14 ادار! بس مبروك لسوريه ولايران عالصحبه
بسيطه الخسارة, خسارة اهليه بمحليه
للاسف, العداء اللبناني طال الشعب السوري مشان هيك نحنا اخدين على خاطرنا منن
يالله سلام
رزان
Restless in Dubai said,
January 13, 2007 at 7:00 pm
lol.. I was nearby watching the match.. Al Jalaa (My hometown team ehm ehm) played a great game and they deserved the win…
Hard luck for the final..
RnD
Desktopjunk said,
April 22, 2007 at 9:59 pm
Thanks, always good posts on your blog!
zozo said,
January 24, 2008 at 12:05 am
heyyy …am zozo from lebanon hp for syriaa all da gd luck…bs hbiiit 3leee22 3 shii sgeer w li hwi u guys u were saying 2no lebanon 23doo m3 iraan w shj3oohoon ….wt da problem with thaatt maa t5l2oo el mshkaaaal been hl bldaan 5l2aaa n7naa mndaal 25wee w its jst a game win or lose …k b2hrooo ktiiiir be b3eeed bs still we all have fun its nt abt wt we got its abt wt we really feel…b3den 2ntoo hkitoo 3n lebnaniyaa 23doo m3 geerkon w2eet mbraat el jordaan and emarat syriaa m3 meen knt 23deee…u guyss come on its only a game…b3deeen n7naa lbnanyaa beeen halnaa mtfr2eeen nww ur commentss bt2olo msh n7naa w 14 2zaar we r all one w lebanon w7aaaaadd w hyb2aa w7777ddd ….w 2na msh h2ool m3 2yaa t2fyiii 2naa l2no ma b3treef be hek shi b3ref hali lebananiaaa…i jst loved to comment 3laa b3eed ur commentss ppl…and wish u a hard luck syria:D:D:)(K)